„Гаспром“ 19-ти на листата на најмоќни компании
ЊуЈорк - Рускиот гигант „Гаспром“ го зазеде 19. место на листата на списанието „Форбс“ за најмоќни компании во светот. „Форбс“ ги оценува активите на рускиот гигант на 306,79 милијарди долари.
Вкупно 29 компании се вклучени на списокот на американскиот магазин на најмоќни светски корпорации. Според „Форбс“, најмоќна компанија во светот е британскиот банкарски гигант ХСБС. Активите на банката се оценуваат на околу 2,349 трилиони долари, а пазарната вредност на корпорацијата изнесува околу 181 милијарда долари. (МИА) |
