„Под исто сонце“ втор пат во Струга
Како дел од кампањата за мултиетнички вредности и поттикнување на меѓусебното почитување на етничките заедници во Македонија, в сабота, 4 јули, во Струга започнува вториот мултиетнички хепенинг.
Хепенингот ќе го отвори специјалниот претставник на ЕУ, Ерван Фуере, кој ќе промовира Водич за националното законодавство во сферата на употребата на јазиците на етничките заедници во Македонија.
Посетителите ќе имаат можност да се запознаат со културата и традицијата на различните заедници.
Како завршница на хепенингот, присутните од 20 часот, па се' до полноќ ќе имаат можност да се забавуваат на голем концерт на кој ќе настапат Кирил Џајковски, Бени и „Нонстоп“, „Паркети“ и „Мајка бенд“.
Настанот го организира Фондацијата Институт отворено општество - Македонија во рамките на проектот „Живеење во мултиетничка средина, граѓани со еднакви права, можности и заштита“, а е финансиран од Европската комисија. Влезот е слободен. (Јв.П.) |
