Претседателот на Стопанската комора на Македонија Бранко Азески смета дека Владата на глобално ниво не излегува надвор од стратегиските правци и оти интересот за извоз на македонските производи надвор од границите се зголемува со актуелната економска политика.
„За бизнис-заедницата е битно дека извозните активности се ставаат како приоритет во работењето на Владата. Фирмите и субјектите, членки на Стопанската комора, работат на отворен пазар и го следат својот интерес. Прашањето на дефицитот е прашање на државата и веројатно таа ќе одреагира на соодветен начин“, рече Азески по вчерашното потпишување меморандум за соработка меѓу СКМ и Центарот за управување со кризи.
Тој истакна дека во земјава моментно има и позитивни движења на економски план. (МИА)
