Пријава на екоштети на „зелениот телефон“
На пет телефонски линии граѓаните ќе можат да ги пријавуваат сите еколошки несакани појави низ државава, по што активистите на Друштвото на екологистите на Македонија ќе интервенираат на терен. Оваа услуга вчера ја промовираше „Космофон“ во партнерство со ДЕМ, со цел за подигнување на свеста и вклучување на граѓаните за подобра заштита на животната средина и навремена реакција и решавање на проблемите. „Зелениот телефон“ ќе функционира како бесплатен сервис на граѓаните, а еколошките штети ќе може да ги пријавуваат сите корисници на фиксната и мобилната телефонија на „Космофон“ во пет региони. За Скопје, пријавите ќе можат да се оставаат на бројот 075 142 521, 142 522 за Валандово, 142 523 за Македонска Каменица, 142 524 за Македонски Брод и 142 525 за Охрид. |
