Од вчера не важат договорите за концесија на операторите
Од вчера престанаа да важат договорите за концесија што ги имаа склучено „Македонските телеком“, „Мобимак“ и „Космофон“ со Министерството за транспорт и врски.
Агенцијата за електронски комуникации, согласно измените на Законот, ќе ги нотифицира овие компании и во рок од 15 дена ќе им издаде потврди за регистрација. За претплатниците се важни отворените можности за интервенција на АЕК во делот на малопродажните цени. Според Законот, врз основа на анализа на пазарот, Агенцијата има право, доколку утврди дека некој од операторите се впуштил во дерогација или ограничување на пазарот преку дампинг или превисоки цени, да пристапи кон директно регулирање на цените. (Ек.Р.) |
