„Млади инфо“ - нов информативен портал за млади
Можности за студирање, стипендии, грантови, обуки и конференции, конкурси, работа и практика во странство. Ова се само дел од содржините кои ги нуди информативниот Интернет портал „Млади инфо“ (www.mladiinfo.com). Тој е наменет за сите амбициозни млади луѓе кои имаат желба да се усовршуваат и едуцираат во различни области на универзитетите и институциите низ светот. На порталот може да се најдат и корисни совети за тоа како треба да изгледа кратката биографија според светските стандарди, како треба да се состави писмо на мотивација или препораката од работодавецот или професорите. „Млади инфо“ е и место каде што е можно да се огласува, да се пронајде слободна соба за студенти или да се продаде компјутер. За да се добијат овие информации не е потребна регистрација или пак плаќање. Тимот e составен од млади ентузијасти кои произлегоа од организацијата „ФЕЈС-Македонија“, успеа да ја реализира идејата што постоеше веќе неколку години. Тие се поддржани од Фондацијата „Институт отворено општество-Македонија“. (Ж.Х.З.) |
