Соларни светилки во Гостивар
ГОСТИВАР - Четири соларни светилки првпат се поставени во Гостивар. Светна просторот на детското игралиште и на Центарот за култура АСНОМ. Соларните светилки денски се полнат со енергија од сонце, а кога ќе се стемни автоматски се вклучуваат и го осветлуваат просторот.
Со поставувањето соларни светилки се очекува да се заштеди електрична енергија, а со тоа и пари. Општина Гостивар за овој проект потроши 500.000 денари. Ако се покажат ефикасни, тогаш во наредниот период се планира да се осветли и кејот на реката Вардар, како и други јавни простори во градот. (К.К.) |
