Романија ќе вложи 50 милијарди евра во инфраструктура
Букурешт - Романската влада до 2013 година ќе вложи 50 милијарди евра во развојот на инфраструктурата и на енергетскиот систем. Ова го најави романскиот министер за економија Варужан Воргањан, кој појасни дека владата планира изградба на над 1.000 километри автопат, како и локални патишта кои се од големо значење за инвестициите.
За развој на енергетиката се планирани 30 милијарди евра што треба да бидат искористени во наредните четири години. Поради застарената инфраструктура, Романија неодамна изгуби инвестиција на "Мерцедес" вредна 800 милиони евра. (Макфакс) | 
