„Хеленик петролеум“ ја купи бугарската „Опет“
Атина - "Хеленик петролеум" соопшти дека ја купила бугарската компанија "Опет/Ајгаз Бугарија ЕАД", која поседува 17 новоизградени бензински станици распоредени во поголемите бугарски градови, јавија денеска грчките медиуми. Грчките весници "Прото тема" и "То вима" прецизираат дека "Опет" има три магацини за гориво во области со стратегиско значење, од кои едниот е во Софија, како и многубројни парцели, наменети за изградба на бензински станици.
Михалис Маријантис, генерален директор на Дирекцијата за меѓународна дејност на "Хеленик петролеум", изјави дека со оваа зделка значително се проширува присуството на фирмата на еден од највлијателните и најпривлечни пазари во Југоисточна Европа. |
