Казни за загадувачите на околината во Велес
ВЕЛЕС - Општина Велес почна со примена на новиот Закон за управување со отпад, кој пропишува строги казни за загадувачите на животната средина. Инспекторите на Општина Велес во соработка со СВР-Велес неделава ги изрекоа и првите четири казни за несовесните граѓани кои со фрлање отпад ја загадуваат животната средина.
Инспекторите, кои заедно со СВР-Велес секојдневно се на терен, два месеца само ги опоменуваа прекршителите, а сега санкционираат.
Казните се движат од 30 евра во денарска противвредност за оставање и фрлање амбалажа, догорчиња, храна, пластичен отпад, искористени вoзила, електрични уреди, батерии, акумулатори до 200 евра за палење отпадни гуми, масла... на патиштата и во природата.
Од Општина Велес апелираат до граѓаните совесно да се однесуваат спрема животната средина. Оттаму предупредуваат дека за несовесните ќе се изрекуваат парични казни за секој прекршок. (МИА)
|
