Ансамблот АУЛОС вечерва настапува во Софија

Македонскиот камерен ансамбл АУЛОС вечерва ќе одржи концерт за четири флејти во Софиската градска галерија, со почеток во 18 часот. Младиот и специфичен состав на флејти ќе изведе дела од Еуген Боца, Серж Ланцен, Жак Кастеред и Кокан Димушевски.

Концертот е дел од одбележувањето на Денот на Софија - 17 септември, и е резултат на меѓународна соработка меѓу Културно-информативниот центар на Македонија во Софија и Дирекцијата за култура во истиот град и Музичката младина на Македонија.

Ансамблот АУЛОС, кој го сочинуваат младите музичари: Катерина Бачевска, Ангелина Катмерова, Александра Тевдовска и Марија Јакимовска, веќе неколку години е дел од музичката сцена и постигнува впечатливи рез��лтати.

Досега е награден со Прва награда на Државниот натпревар во Македонија во 2008 година и со Прва награда на Интернационалниот натпревар во Валево, Србија во 2009 година. Покрај заедничките настапи, членовите на овој состав настапуваат и самостојно на голем број концерти во земјата и во странство. (К.Б.)