Екипата на брза помош се обидела да го врати во живот со шок-терапија
ТЕТОВО - Триесетгодишен тетовец завчера починал само по неколку минути откако во вратот бил каснат од стршлен. Отровот од инсектот бил смртоносен за Миле Ѓорѓевски. И покрај тоа што екипата на брза помош при Здравствениот дом во Тетово се обидела да го врати во живот младиот тетовец со шок-терапија, не успеала. Ѓорѓевски вчера беше погребан на православните гробишта во Тетово. Ваков случај во овој крај досега не е регистриран кај надлежните органи најмалку десетина години наназад.
Ноќта во неделата спроти понеделникот, малку по полноќ, Ѓорѓевски бил каснат од опасниот инсект. Веднаш добил бурни реакции како последица на убодот и следувал алергиски шок. Видно збунети, домашните повикале брза помош, а екипата пристигнала кај месноста Колтук и го зела момчето во возилото.
„Се' се случило околу 2,30 часот. По повикот, нашата екипа стигнала и го сместила Ѓорѓевски во службеното возило применувајќи шок-терапија. За жал, не успеале да му помогнат на пациентот, кој веќе не давал никакви знаци на живот“, објаснува доктор Гзим Нуредини, раководител на Службата за брза помош во Тетово.
И во семејството Ѓорѓевски имаат слично објаснувања за трагедијата што се смета како несреќен случај. Среќко Мирковски, стрико на починатиот, вели дека за четири дена Миле двапати бил каснат од инсект. Првиот убод го имал в рака, кога го каснала оса, а дланката му отекла. Тогаш го советувале да оди на лекар, но тој одбил велејќи дека е добар и дека отокот ќе се смири. Второто каснување од стршленот било кобно за животот на тетовецот.
„Во овој период концентрацијата на токсини кај инсектите е многу голема. За жал, во одделни случаи каснувањето од инсекти може да заврши смртоносно, како што е случајот и со овој пациент“, вели д-р Нуредини.
Миле Ѓорѓевски бил апсолвент на Електротехнички факултет. За да не биде товар на семејството, тој неколку години се занимавал со занаетчиски работи во станови и куќи, редел плочки, боел и варосувал. Населбата Колтук и Тетово вистински сочувствуваат со тешката трагедија на семејството Ѓорѓевски. (Г.Е.)
Golema nesreka za pocinatiot i najbliskite... Inaku, postapkata se narekuva ''anti-shok'' a ne ''shok'' terapija. Celta e da se popravi sostojbata, a ne da se shokira pacientot uste tolku.
Од: Vancho
Датум: 07.07.2009 02:16:19
Semejstvoto na pokojniot neka primi sochustvo,zalosno zasto zivotot je bil pred nego na koj mozel da se sekojdnevno raduva.Neka Bog gi utesi kroz svoite obekanja od slovoto Bozje. So obekanjata vo evangelje po Jovan 3:16
Од: doktor
Датум: 07.07.2009 04:38:07
Vo ovoj period otrovot kaj strslenite bil pokoncentrinran?!?! Tesko nas...
Од: marjan
Датум: 07.07.2009 10:44:38
Bog da go prosti Mile i neka pociva vo mir. Socuvstvo do negovoto semejstvo. Navistina golema tragedija i strasna nesrekja. Ako e za veruvanje po napisot, zgasna uste eden mlad zivot, zamina momce koe cesno si go vadel lebot i ziveel skromen zivot.
