Претходен број

Шварценегер: Калифорнија во банкрот

Вашингтон- Гувернерот на Калифорнија Арнолд Шварценегер прогласи вонредна економска состојба во таа сојузна американска држава и повика за итни мерки поради дефицитот од 11,2 милијарди долари во нејзниот буџет.

- Потребни се неодложни акции...и поради тоа подготвувам посебна законодавна конференција за вонредната економската ситуација, се вели во соопштение објавено на интернет-страницата на гувернерот.

Според прописите на Калифорнија, законодавците во таа држава имаат 45 дена да донесат мерки за борба со економската криза. Доколку тој рок не биде испочитуван, на законодавците им е забрането донесување нови закони додека ситуацијата не се реши.

Во Калифорнија не е решен проблемот со недостиг во буџетот бидејќи републиканците и демократите не можат да се усогласат по прашања за даноците и расходите во таа држава. Дефицитот на буџетот во Калифорнија до средината на 2010 година може да се зголеми на 28 милијарди долари. (МИА)