Аронјан го кутна Крамник на меморијалот „Таљ“

Првиот фаворит Левон Аронјан (рејтинг 2801) го совлада вториот носител Владимир Крамник (2791) во дербито на стартот од 5. Меморијал „Таљ“, шаховски супертурнир од 21. категорија што се одржува од 5 до 14 ноември во Москва. Ерменецот ги имаше белите фигури во Даминиот гамбит, варијанта на Рагозин.

По две одиграни кола од предвидените девет на турнирот што се игра по Бергеров систем, со просечен рејтинг 2757, никој од десеттемина учесници нема максимален ефект.

Резултати, прво коло: Карјакин - Гелфанд 1-0, Аронјан - Крамник 1-0, Гришчук - Елјанов 1-0, Мамедјаров - Накамура реми и Широв - Ванг Хао 0-1. Второ коло: Ванг Хао - Аронјан реми, Накамура - Елјанов 1-0, Мамедјаров - Карјакин реми, Гелфанд - Широв 1-0 и Крамник - Гришчук реми.

Табела: Карјакин, Аронјан, Ванг Хао, Накамура и Гришчук по 1,5 поени, Мамедјаров и Гелфанд по 1, Крамник 0,5 и Елјанов и Широв без поени.

Аронјан - Крамник

1. д4 Сф6 2. ц4 е6 3. Сц3 Лб4 4. Сф3 д5 5. ц:д5 е:д5 6. Лг5 х6 7. Лх4 ц5 8. д:ц5 Сбд7 9. Тц1 Да5 10. а3 Л:ц3+ 11. Т:ц3 Се4 12. б4 С:ц3 13. Да1 Да4 14. Д:ц3 О-О 15. е3 а5 16. б5 С:ц5 17. Д:ц5 Лф5 18. Дд4 Д:а3 19. Ле2 Дб4+ 20. Д:б4 а:б4 21. Сд4 Та1+ 22. Лд1 Лх7 23. Сб3 Тб1 24. Сд2 Тб2 25. Лг3 Тц8 26. Ле5 Та2 27. Сб3 Лц2 28. Л:ц2 Тц:ц2 29. О-О ф6 30. Лд4 Та3 31. Са1 Тд2 32. х3 Тад3 33. Кх2 Та3 34. б6 х5 35. Тб1 Т:ф2 36. Сб3 Таа2 37. Тг1 Кх7 38. Сц5 Тфд2 39. С:б7 б3 40. Сц5 б2 41. Тб1 1-0