Батон избегна киднапирање!

Џенсон Батон се извлече неповреден откако автомобилот со кој патуваше беше цел на вооружен напад по заминувањето од патеката Интерлагос во Сао Паоло. Актуелниот шампион во Формула 1 и неговиот татко Џон ја напуштаа па��еката по саботните квалификации за вчерашната трка за Големата награда на Бразил кога нивното возило беше нападнато. Во возилото беа и менаџерот на Батон, Ричард Годард, и тренерот Мајк Колие. Батон, кој беше превезуван со блиндирано возило управувано од полицаец, им побегна на напаѓачите и се врати во хотелот.

„Се враќавме од патеката и се движевме бавно низ метежот на автопатот. Видов како излегува пес, кој беше многу сладок. Следното нешто што го видов беше човек со пушка. Реков: ’Не ли е тоа пушка‘ и само што го кажав тоа пред нас се појавија шестмина со пушки в раце. Мојот возач беше легенда: престигна пет автомобила, буквално прегазувајќи ги. Беше многу страшно“, се потсетува Батон.