Бивша мис на Аргентина почина по пластична операција

Солањ Мањано, бивша мис на Аргентина почина од компликации, три дена по операцијата за подигнување на задникот . Мањано добила белодробна емболија на белите дробови и веднаш била одведена во болница во Буенос Аирес, но лекарите не можеле да и' помогнат.

Солањ, која е мајка на осумгодишни близнаци, била мис на Аргентина пред 15 години, во 1994 година. Аргентинците се шокирани од веста и се прашуваат како еден речиси рутински зафат може да има фатални последици. Близок пријател на семејството, дизајнерот Роберто Пјаца истакнал дека Солањ била убедена дека станува збор за рутинска операција, а сега изгубила се' само затоа што сакала да има поцврст задник. Тој додал дека постапката на задникот се изведувала исклучиво со инјекции и дека најверојатно течноста што била инјектирана влегла во нејзините бели дробови и во мозокот.