Протестите во Франција „издишуваат“

ПАРИЗ - Нови штрајкови вчера го прекинаа железничкиот и воздушниот сообраќај во Франција, но поголемите протести поради плановите да се зголеми возраста за пензионирање се опаднати на последни сили, еден ден откако парламентот усвои закон за пензиски реформи.

Летовите на француските аеродроми и надвор од нив беа намалени за 30-50 отсто поради еднодневниот прекин на работата на контролорите за воздушен сообраќај, а штрајковите на железничките работници преполовија некои услуги, но прекинот беше помал отколку претходно за брзите врски.

Претседателот Никола Саркози одби да се повлече кога синдикатите организираа бран по бран штрајкови и улични протести низ целата земја во последните два месеца, поради најголемите реформи во неговото претседателствување.

Вчера беше седмиот ден на протестите, организирани од синдикатите во врска со плановите луѓето да работат две години повеќе до пензионирање, речиси сите од почетокот на септември. (Ројтерс)