Роби Вилијамс

Со вувузела ја избрка свршеницата

Светското првенство во фудбал, конкретно, неделниот натпревар меѓу Словенија и Алжир беше кобен за врската на Роби Вилијамс и неговата свршеница. Како што пренесуваат британските медиуми, на Ајда Филд, типично женски, и' дошла преку глава опседнатоста на Вилијамс со фудбалот, па додека пејачот гледал како Словенија ја победува селекцијата на Алжир, луто ги спакувала куферите и заминала кај својата мајка. Роби бил презафатен гледајќи го натпреварот за да може да ја спречи својата сакана да заминине од нивниот дом.

„Три дена фудбал беа премногу за неа. Поради Светското фудбалско првенство, Роби и неговите пријатели го окупираа нивниот дом и не го симнуваат погледот од телевизорот. За да бидат работите уште полоши, за несреќа на Ајда, тие набавија неколку вувузели и создаваат страшна бучава. Под нормални услови ништо не би го одвоило парот, но ова навистина е премногу за неа. Таа не го разбира фудбалот и целата еуфорија околу него. Тој спорт воопшто не ја интересира“, откри за медиумите еден од пријателите на познатиот пар.