ЏУЛИЈАН АСАНЖ

Два филма за херојот на „Викиликс“

Навистина се очекуваше дека ликот и делото на контроверзниот основач на веб-страницата „Викиликс“, но и осомничен за сексуални престапи, Џулијан Асанж, ќе биде мотив и тема за филмската индустрија, но дека ќе се работат два филма за него во исто време, не се претпоставуваше.

Први, за снимање документарен филм за Асанж се одлучија во „Јуниверзал пикчрс“, каде што за работа ќе се зафати режисерот награден со „Оскар“ за документарец, Алекс Гибни.

Од друга страна, во ХБО ја разгледуваат можноста за снимање игран филм за човекот што објави стотина тајни американски документи. Филмот би се работел во соработка со Би-Би-Си, вклучувајќи ги и материјалите што ги поседува ТВ-куќата, како и написите за Асанж на американскиот новинар Рафи Хачатуријан.

За главната улога во конкуренција се, наводно, Леонардо ди Каприо, Пол Бетани и Даниел Крег.