Регионална работилница за дигитизација на наследството

Еднодневна регионална работилница посветена на искуствата и соработката на земјите од Југоисточна Европа на полето на дигитализацијата на културното наследство, ќе се одржува денеска во Клубот на пратениците, со почеток во 9 часот.

На отворањето ќе говорат заменик-министерот за култура, Драган Недељковиќ, амбасадорот на Италија во земјава, Донатино Маркон и директорот на Управата за заштита на културното наследство, Паско Кузман.

На работилницата е предвидена евалуација на состојбата на полето на дигитализацијата на културното наследство во Албанија, Босна и Херцеговина, Бугарија, Македонија, Молдавија, Романија, Србија, Хрватска и Црна Гора, а ќе учествуваат и претставници на УНЕСКО-БРЕСЦЕ. Учесниците ќе го посетат и Регионалниот центар за дигитализација на културното наследство, сместен во Музејот на современата уметност. (К.Б.)