Распит за убиството на „тигарот“ Марковски
Под големо обезбедување на специјалните полициски сили, вчера во скопскиот Основен суд Скопје 1 продолжи судењето на обвинетите за убиството на припадникот на единицата „Тигар“, Зоран Марковски. Имено, бројните полициски сили биле повикани, наводно, заради заштита на заштитените сведоци кои требаше да сведочат за настанот за кој се случи на 3 јануари минатата година. Со оглед на деликатноста на настанот, судот на вчерашното рочиште не дозволи присуство на новинари.
За сторени кривични дела убиство и злосторничко здружување, Јавното обвинителство ги товари Харун Алију-Кушо (38), Исмаил Аќеми-Тиха (26), недостапниот за органите на прогон Башким Бајрами (30) и полицаецот Беким Дарлишта (31), сите од Скопје. (Љ.С.) |
