Притвор за осуммина во акцијата „Канис“
Од дваесетемина приведени во акцијата „Канис“, дури осуммина, по даден одбрана пред истражен судија, завршија во првитвор. За еден од осомничените судот донесе решение за мерка куќен притвор, а тројца се пуштени да се бранат од слобода со претходно обезбедување на нивните патни исправи. Имено, овие тројца осомничени во шверцот на мигранти се јавуваат како возачи на Кинезите кои требало да бидат прошверцувани во Грација.
Самиот распит траеше повеќе од 13 часа, а некаде по 22 часот, во четвртокот, истражниот судија го донесе и финалното решение за осомничените за шверц на мигранти и за организирање група и поттикнување на извршување на делата трговија со луѓе и шверц на мигранти.
Од МВР и вчера стигна потврда дека осомничените со шверц на мигранти од Кина се занимавале од ноември минатата до мај оваа година и дека во овој период биле организирани 11 транспорти на мигранти, односно биле прошверцувани 35 Кинези. (Љ.С.) |
