Санадер одби да и' биде предаден на Хрватска

Извршители запленија уметнички дела на Санадер

Мирјана Санадер прво не сакаше да ја отвори вратата на вилата на улица „Козарчева“ во Загреб, па извршителите заминаа, меѓутоа кога се вратија, сопругата на поранешниот премиер, сепак, ги пушти во куќата, јавува Дневник.хр. Судските извршители, како што и беше најавено, дојдоа во вилата на Иво Санадер за привремено да запленат повеќе од стотина уметнички дела на поранешниот премиер. Пред вилата имаше собрано и многубројни новинарски екипи.

Санадер навел во имотниот лист дека поседува уметнички дела во вредност од 1,5 милиони куни, но, наводно, таа вредност е четири или пет пати поголема. Како правен темел за блокада на уметничките дела може да има две основи. Едната би била настојувањето на УСКОК да докаже дека поранешниот премиер ги купувал сликите од парите што се извлечени од државните компании, односно дека потекнуваат од казнениот дел, а другата би била средство за осигурување од кои државата би ја намирила штетата ако Санадер на крајот биде осуден за корупциските афери поради кои моментно е под истрага.

Поранешниот хрватски премиер, Иво Санадер, вчера пред Покраинскиот суд во Салцбург се изјасни дека не сака да и' биде предаден на Хрватска, по што австрискиот суд донесе одлука со која му го продолжи притворот за уште еден месец. 

Портпаролот на државното обвинителство во Салцбург, Барбара Фајхтингер, по седницата на судот, соопшти дека Санадер не го прифатил предавањето на Хрватска по совет на своите адвокати. Имено, адвокатите се' уште немале увид во документацијата од Хрватска, па затоа на својот клиент му советувале да не го прифаќа предавањето, со што ќе се забрза процедурата за екстрадиција. Следното сослушување во врска со екстрадицијата може да се случи на 27 јануари.  (Вечерњи лист/МИА)