Пад на инфлацијата во еврозоната
Брисел - Во мај инфлацијата во еврозоната опадна на 2,7 отсто на годишно ниво, откако во април достигна највисока стапка во последниве 30 месеци од 2,8 проценти, покажуваат објавените податоци на Статистичката служба на Европската унија - Евростат.
Годишната инфлација во сите 27 членки на ЕУ во мај е намалена на 3,2 отсто од 3,3 проценти во април.Иако инфлацијата во еврозоната веќе шест месеци едноподруго е над целта на Европската централна банка од два отсто, таа и натаму е под преткризното ниво од 3,2 отсто од октомври 2008 година.
Највисока годишна стапка на инфлација од 8,5 отсто во мај е забележана во Романија, а по неа следуваат Естонија со 5,5отсто и Литванија со 5,0 проценти. Најниска инфлација е регистрирана во Ирска од 1,2 отсто, а по неа следуваат Шведска 1,7 отсто �� Чешка 2,0 процента. (МИА) |
