Елена Коколанска

Под уставно име на „Мис бикини“ во Кина

Деветнаесетгодишната Елена Коколанска од Скопје, членка на модното студио „Црнокрак“ и победничка на Изборот за зимска убавица на Македонија, ќе ја претставува нашата земја на светскиот избор на убавина „Мис бикини интернационал 2010“, што ќе се одржи во Кина.

Елена веќе 15 дена се наоѓа во Кина каде што се подготвува за финалето заедно со уште 70 девојки од исто толку држави од цел свет. Финалната вечер ќе се одржи на 29 мај во Санија, во „Beauty Crown Cultural Centre“, место каде што веќе три години се одржува изборот за мис на светот. „Овде е прекрасно. Десет дена бевме во Пекинг, ја посетивме зоолошката градина, олимпискиот стадион ’Птичје гнездо‘ и други знаменитости, а бевме и на Кинескиот ѕид. Сега сме во Санија, одлично се чувствувам и сигурна сум дека Македонија ќе ја претставам во најдобро светло и, секако, под уставното име што е напишано на лентата што секаде ја носам за идентификација“, изјави Коколанска од Санија.

Сопственик на лиценцата за учество на изборот е студиото „Црнокрак“.