ЏЕЈН ФОНДА

Повторно се мажи на 72 години

Џејн Фонда планира да се омажи за својот пријател Ричард Пери. Актерката, која има 72 години, нестрплива е да ја озакони нивната врска, а со тоа и да стапи во брак по четврти пат. Брачни партнери во минатото и' биле режисерот Роже Вадим, бившиот политичар Том Хајден и медиумскиот могул Тед Тарнер.

Џејн и Ричард се свршиле минатата година, а актерката постојано го фали зашто и' бил огромна поддршка во текот на операцијата на која морала да се подложи, откако лекарите откриле дека има израсток на дојката. Станувало збор за мал бениген тумор, а отстранет е во почетокот на ноември.

„Ричард беше покрај мене како карпа“, изјавила актерката, а токму тоа ја поттикнало да сфати дека тој е вистинскиот човек за неа. „Посакувам некој што не е само одличен љубовник, туку и вистинска душа за мене. Тоа не е толку лесно да се најде. Помладите мажи се толку плитки што поголем дел од времето воопшто немаат поим за што зборувам“, кажала Џејн пред две години. Дополнително, сепак, успеала да ја пронајде својата сродна душа.