ЛЕОН МАРЕС

Чешки ТВ-водител во костум од 10 кг месо

Публиката во емисијата „Талентманија“, која се емитува во Чешка и во Словачка, никогаш не заплескала со такво воодушевување како кога водителот Леон Марес излегол на сцената облечен во десет килограми говедско месо. Необичниот костум е резултат на изгубениот облог на господинот Марес со публиката дека ќе ја бакне Лејди Гага за време на нејзината неодамнешна посета на Прага.

Бидејќи не е едноставно да се облече месо за да се забавува денешната публика, водителот на сцената довел и мечка. Но, мечката не изгледала претерано заинтересирана за местото - ниту за говедското ниту за водителското.

Костумот од месо по емисијата го нашол својот пат до засолништето за напуштени кучиња.