КАЛИОПИ
Второ учество на Хрватскиот радиски фестивал
Македонската поп-дива Калиопи Букле летово ќе учествува на 14. издание на Хрватскиот радиски фестивал и тоа со две композиции, како пејачка и како авторка.
Пената со која таа ќе настапи е со наслов „Љубичице“, за која самата е потписник на музиката и текстот, а аранжманот е на Дарко Димитров. Со оваа песна, Калиопи ќе настапи на фестивалот во категоријата на поп-рок или урбана музика.
Нејзината втора авторска композиција на Хрватскиот радиски фестивал ќе ја изведе Маја Татиќ, а песната носи наслов „Среќа и нада“.
Гостувањето на официјалните учесници на фестивалот веќе е потврдено на официјалната Интернет-страница. Ова е второ учество на Калиопи на овој фестивал откако минатата година настапи со песната „Црне руже“, која е дел од албумот „Желим ти реќи“.
|
