Одбележани 150 години од објавувањето на Зборникот на Миладиновци

„Зборникот на струшките браќа е интеграциска златна алка на современата македонска книжевност и таа не може да се изземе од јазикот и од книжевното писмо кое некогаш како уметнички гениј на народот го препознаа, го собраа и му дадоа гласност меѓу народите преподобните струшки браќа чија судбина трагично-симболичен начин за врши во цариградските зандани“, истакна во поздравната беседа Бранко Цветкоски, директор на Градската библиотека „Браќа Миладиновци“ на свеченото одбележување на јубилејот-150 години од излегувањето на Зборникот на Миладиновци.

На свеченоста присуствуваа сите досегашни лауреати на наградата што го носи името на струшките браќа и која поетскиот фестивал „Струшки вечери на поезијата“ ја доделува за најдобро поетско дело објавено меѓу два фестивала.

Во холот на Библиотеката беше поставена изложба на сите изданија на Зборникот, делата на Миладиновци од фондот на Библиотеката, како и книгите што досега ја добиле наградата „Браќа Миладиновци“, а програмата беше збогатена и со настап на гудачкиот квартет „Еквилибриум“.

Присутните ги поздрави Коце Трајановски, градоначалникот на Скопје, а за делото на Миладиновци говореше Марко Китевски. (Н.П.)