Проширен излезот на Гостивар кон Тетово
ГОСТИВАР - Улицата „Илинденска“, на излезот од Гостивар кон Тетово е обновена и проширена. Сега сообраќајницата е широка седум метри, а од двете страни се изградени тротоари од по 2,5 метри. Напролет „Илинденска“ ќе се осветли.
Градежниците целосно ја реконструираа улицата, од семафорите кај мелницата „Жито-Шар“ се' до спојката со автопатот Гостивар - Тетово. Најпрво беше поставена атмосферска и фекална канализација. Гранитните коцки беа отстранети, а на нивно место беше поставен асфалт.
До обновувањето на улицата, сообраќајот се одвиваше со застои. (К.К.) |
