Перу го бара наследството на Инките

ЛОХА - Претседателот на Еквадор во вторникот изрази поддршка на барањата на соседен Перу до Универзитетот Јеил да врати илјадници артефакти извадени од локација на Инките во Мачу Пикчу пред еден век за истражување на американскиот универзитет. Перуанските власти во 2008 година поведоа судски спор против Јеил, кој е лоциран во Њу Хевен, Конектикат, во кој бараат враќање на повеќе од 40.000 предмети за кои Перу вели дека биле земени од американскиот истражувач Хирам Бингам во почетокот од 1900 година.

За време на средбата со својот перуански колега Алан Гарсија, во пограничниот град Лоха, еквадорскиот претседател Рафаел Кореја изјави дека Кито ќе го поддржи случајот на Перу. Артефактите, вклучувајќи грнчарија, накит и коски, биле испратени надвор од земјата откако Бигам, поранешен студент на Јеил, повторно го открил местото во Андите во 1911 година. Перу вели дека предметите му биле зајмени на Јеил на 18 месеци, но никогаш не ��иле вратени. Во тоа време, античкиот град, сега позната туристичка дестинација, всушност, бил заборавен, покриен со густа шума во планините на околу 2.400 метри надморска висина.

Перу е преполн со стотици археолошки локации и со години се бори да ја спречи трговијата со фосили и артефакти. И двајцата претседатели апелираа до другите земји, вклучувајќи ја и Аргентина, ваквите богатства да ги вратат во својата татковина. „Откривме дека и во други земји има предмети, уметнички дела и археолошки предмети што се сопственост на Перу и Еквадор, но кои се во трети земји, како во случајот во Аргентина“, изјави Гарсија на крајот од средбата. (Ројтерс)