Мозаици на Газанфер Бајрам во Истанбул

Вечерва во елитнатата галерија на Културниот центар „Ортаќој“ во Истанбул, во 18,30 часот ќе биде отворена самостојна изложба на мозаици од истакнатиот македонски сликар и мозаичар, Газанфер Бајрам. Ова е негово прво самостојно претставување пред турската публика со педесетина дела, а во Турција досега учествувал на повеќе групни изложби во Истанбул, Денизли, Мерсин и Сапанџа.

Изложбата ќе биде отворена до 12 февруари, по што ќе биде пренесена во Анкара во новата галерија „Портокал чичеги“. Организирана е од Културно-информативниот центар – Скопје, со финансиска е поддршка од македонското Министерство за култура. (К.Б.)