Концерт на Нинослав Димов со Филхармонијата

Вечерва во Домот на АРМ во 20 часот Македонската филхармонија ќе го одржи својот прв симфониски концерт во 2011 година. Под диригентство на Саша Николовски-Ѓумар, ќе бидат изведени: „ПРЕ ОоТтОоНнОо-ОоТтОоНнОо ПРЕ“ на македонската композиторка Дарија Андовска, Фантазија за саксофон и оркестар на Хектор Вила Лобос, „Чардаш“ на Педро Итуралде, како и последното дело на Сергеј Рахмањинов, Симфониски танци оп. 45.

Солист на вечерашниот концерт е младиот македонски саксофонист Нинослав Димов (1982), добитник на награди и признанија на многу национални и меѓународни натпревари. Делото на Дарија Андовска, во кое таа како основа го користи ставот „Есен“ од „Четирите годишни времиња“ на Астор Пиацола, е напишано по нарачка на Цирих, а на овој концерт ќе ја доживее својата македонска премиера. Први изведби во земјава ќе доживеат и делата „Фантазија за саксофон“ и „Мала игра“ (Чардаш). (Т.И.)