Џорџ Клуни

Холивудскиот заводник повторно слободен

Холивудскиот заводник Џорџ Клуни повторно е сам откако тој и италијанската актерка Елизабета Каналис ја завршија двегодишната врска.

„Не сме веќе заедно. Ситуацијата е многу тешка и многу лична, па се надеваме дека сите ќе ја почитуваат нашата приватност“ - изјавиле Клуни и Каналис во заедничкото соопштение. Тие двајцата не сакале да говорат за причините што довеле до раскинувањето.

„Станува збор за лична и тажна работа и Елизабета сака така и да остане. Таа ќе им се обрати на медиумите дури откако ќе помине некое време. Елизабета не ми даде овластување да кажам кога тие двајцата раскинаа“ - им раскажал на медиумите портпаролот на актерката.

Тие двајцата во мај го прославија 50. роденден на Клуни. Потоа медиумите пренесоа дека Каналис сака брак и деца и дека се обидува да го наговори Клуни да се венчаат. Меѓутоа, пријателите на Клуни неодамна изјавија дека тој сака да ја остави.