Инфлацијата во Грција во јули го достигна 13-годишниот максимум, откако владата ги зголеми даноците. Мерките се преземени со цел да се намали буџетскиот дефицит и да се исполнат предусловите за повлекување средства од кредитната програма за поддршка од Европска унија и Меѓународниот монетарен фонд.
Според најновите податоци на грчкиот статистички завод, инфлацијата во земјата во јули се зголемила за 5,5 отсто, што е највисоко ниво од август 1997 година, пренесуваат агенциите.
Инфлацијата во јули се зголемила поради повисоките цени на енергијата и зголемувањето на данокот на додадена вредност.
Во јуни инфлацијата во Грција била на нивото од 5,2 отсто, а во јули 2009 година на ниво од само 0,6 проценти. (Нетпр��с)
