„Топлификација“ во загуба

Во првото тримесечје „Топлификација“ остварила добивка од 42 милиона денари или 683.000 евра, но во вториот квартал забележала загуби од дури 102,5 милиони денари или 1,6 милиони евра, со што значително го намалила позитивниот резултат за првите шест месеци од годинава. Од компанијата соопштуваат дека вкупните приходи за периодот јануари-јуни надминале 2,1 милијарда денари, односно 34,3 милиони евра, додека само во вт��риот квартал компанијата реализирала приходи од 1,08 милијарди денари или 17,6 милиони евра. Во вториот квартал од годината „Топлификација“ имала зголемени трошоци за суровини и материјал во износ од 17,1 милиони евра, додека кумулативно од почетокот на годината трошоците за материјали изнесуваат близу 1,8 милијарди денари или 29 милиони евра. (Ек.Р.)