Графики на Соња Димовска во Монца

Македонската ликовна уметница Соња Димовска презентира дел од своето творештво во Монца, Италија на осмата самостојна изложба на графики што денеска ќе биде отворена во Арт павилјонот на 64 -тото издание на Интернационалниот саем на мебел, на покана од уметничкиот координатор на галеријата, Марио Манцони Сала.

До 27 септември ќе бидат изложени 21 графика, изработени во традиционалните техники, меѓу кои н��јзастапена е акватинтата, па бакрописот и сувата игла, а седум се дигитални отпечатоци од циклусот „Сетила“.

„Со оглед дека ова е мое прво самостојно претставување во Италија, координаторот направи селекција на дела кои припаѓаат на различните циклуси: „Инсектарум”, „Македонски антички и средновековен накит”, „Зен поеми“, „Небесни соништа“ и „Сетила“, вели авторката Делата се создавани од 2002 до 2009 година, а изложбата е реализира под покровителство на Генералниот конзулат на Македонија - Венеција. (К.Б.)