Промоција на стихозбирка од Видое Видичевски

Издавачката куќа „Дијалог“ од Скопје неодамна ја објави стихозбирката „Вие“ од Видое Видичесни. Најновото поетско остварување на Видичевски, ќе биде промовирано денеска напладне во Охрид, во кафет „Аквариус“. Пред присутните предвидено е за творештвото и ликот на авторот да говорат академиците Матеја Матевски и Георги Старделов, а поздравна реч ќе има и претседателот на Друштвото на писат��лите на Македонија, Раде Силјан.

Новата стихозбирка на Видичевски донесува 80 песни со препознатлив и повеќеслоен поетски глас специфичен за неговиот досегашен творечки опус. Во книгата „Вие“ за поезијата на Видичевски се објавени есеите „Песната како мементо“ од академик Матеја Матевски и „Новата ангажирана песна“ од академик Георги Старделов. (Н.П.)