Прв роденден на модната куќа „Елена Лука“

Со модна ревија на нова линија на венчаници и ноќни тоалети, модната куќа „Елена Лука“ викендов во ресторанот „Дуомо“ го одбележа својот прв роденден. Во присуство на повеќе личности од јавниот живот во државава, политичари, актери, музичари..., сопственичката на модната куќа „Елена Лука“, Елена Пандева-Китрозоска го најави и хуманитарниот проект со наслов „Да го продолжиме животот“, кој ќе се одржи на 30 ноември во Универзалната сала. Хуманитарната програма ќе биде своевидна модна ревија на која на аукција ќе бидат презентирани најновите модели на Елена Лука, а средствата од продажбата ќе бидат донирани за купување апарат на Клиниката за радиологија и онкологија.