ЕЛИЗАБЕТ ХАРЛИ

По 40. повеќе внимава на себе

Актерката Елизабет Харли, која со своите 44 години секогаш е во топ-форма и може да си дозволи да облече најсмели фустани и здолништа, вели дека жената со годините треба повеќе време да поминува пред огледало и почесто да ги посетува козметичките салони.

„Кога ќе остариш, мораш редовно да одиш на фризер, да внимаваш што јадеш, а мора и повеќе да се вежба“, објаснила Харли.

Таа, исто така, објаснила дека никогаш не била под нож за убавина, но вели дека таа опција не и' е сосем исклучена. „Не сум направила никаква естетска операција и засега немам некој режим за убавина. Она што никако не смее да ми се случи е да се појавам со несредени веѓи. Не можете ни да замислите како изгледаат кога не се одржувани. И, секако, првпат во животот внимавам што и колку јадам. Метаболизмот по 40. година драстично ја забавува работата, а мене природата во тој поглед не ми е сосема наклонета“, признала Лиз.