Јотовски запрен во полуфиналето во Чиле

Томислав Јотовски и Чилеанецот Игнасио Ернандез се елиминирани во полуфиналето во двојки на тенискиот фјучерс во чилеанскиот град Консепсион, кој се игра на земјени терени и за награден фонд од 10.000 долари. Првите носители Гилјермо Ривера Арангуиз и Кристобал Саведра Корвалан, обајцата од Чиле, беа непремостлива пречка на патот до финалето, славејќи со 6-4, 6-4.

Јотовски останува во Консепсион, каде што следната седмица ќе се одржи уште еден фјучерс. (Р.Д.)