Андоновски се издвои на Скопје опен

ФИДЕ-мајсторот Љубиша Андоновски (рејтинг 2290) се издвои на чело на табелата по две третини од Отвореното првенство на Скопје во шах, кое се одржува од 4 до 12 декември во библиотеката „Страшо Пинџур“ во Скопје за награден фонд од 109.000 денари. Андоновски во шестото коло со бели фигури го доби дуелот со Михајло Илиќ (2167), со кого дотогаш го делеше првото место.

Дербито на колото меѓу интермајсторите Филип Панчевски (2403) и Марјан Митков (2410) му припадна на првиот, кому на второто место му се придружи велемајсторот и прв носител Влатко Богдановски (2418) по победата над Илија Стошевски (2191).

Други резултати од шестото коло: Органџиев - Данчевски реми, Велески - Зафировски 1-0, Главинац - Хаџи-Манев 0-1, Костадиновски - Танчев 0-1, Качаковски - Димов реми, Селковски - Секуловска реми итн. Табела: Андоновски 5,5 поени, Богдановски и Панчевски по 5, Органџиев, Велески, М. Илиќ Данчевски и Хаџи-Манев по 4,5 итн. (Р.Д.)