Најмалку 78 загинати во урнат воен авион во Мароко
Најмалку 78 лица загинаа, а тројца се тешко повредени во несреќата на воениот авион на мароканските воено-воздухопловни сили што вчера се урна во Гелмим, во јужно Мароко, соопштија француските медиуми, повикувајќи се на официјални извори.
Авионот, од типот Ц-130 на мароканските ВВС, се урна во пустински реон во близина на Гелмим откако претходно удрил во планински рид.
Според првичните сведоштва, причина за несреќата најверојатно е маглата и лошите атмосферски услови во реонот на Гелмим. Транспортните авиони Ц-130 „Херкулес“ имаат капацитет да превезат и до 200 лица. |
