Рускиот претседател Дмитриј Медведев на американскиот претседател Барак Обама му подари компакт диск, на кој е документарниот филм „Формула на моќта“, која се базира на интервјуто на Обама со руската новинска агенција Итар-ТАСС.

Автор на тој документарен фил е првиот заменик генерален директор на агенцијата Итар-ТАСС, Михаил Гусман, прв руски новинар на кој американскиот претседател му дал интервју во текот на првиот руско-американски самит во главниот град.

Обама се заложи за развој на американско-руските односи базирани на еднаквост и заемно почитување. Американскиот претседател изрази надеж дека ќе воспостави искрени и конструктивни односи со руските лидери.