Ахмадинеџад истера десетина делегации

ЊУЈОРК - „Неприфатливо е едно изразено малцинство да доминира над политиката, економијата и културата во голем дел од светот само поради своите комплицирани мрежи, со кои воведува нов облик на зависност и им штети на угледот на други држави, некои европски земји и САД, и тоа за да ги оствари своите расистички цели“, беше многу директен Амхадинеџад во својот говор во ОН. Тој се нафрли на Израел поради минатогодишниот, како што наведе „варварски“ напад врз Газа. Острината на неговиот говор натера десетина делегации да ја напуштат салата каде што се одржа заседанието. Делегациите кои го напуштија говорот, меѓу нив беа и оние на Франција и Америка, го доживеаја говорот на Ахмадинеџад како „антисемитски“. Покрај нив, салата ја напуштија и делегациите на Велика Британија, Италија, Германија, Данска, Унгарија, Аргентина, Костарика, Уругвај, Нов Зеланд и Австралија.

Ахмадинеџад истакна дека Иран ќе продолжи да ги брани своите легитимни и легални права, алудирајќи на контроверзната иранска нуклеарна програма. Во таа пригода Иран се нарече „бранител на сиромашните земји во развој“, енергично напаѓајќи го „незаузданиот капитализам“ и се заложи за светско нуклеарно разоружување. („Јутарни лист“/Би-Би-Си)