РОЖЕ ФЕДЕРЕР
Tенискиот ас налето - татко
На сопствената Интернет-страница, еден од најдобрите тенисери на светот Роже Федерер објавил дека неговата свршеница, Мирка Вавринец, е во блажена состојба и дека налето е планирано да станат родители.
„Многу сум среќен, бидејќи Мирка и јас ова лето ќе станеме родители. Сонот, конечно, стана реалност и необично сум среќен и задоволен поради тоа. Мирка и јас, конечно, ќе добиеме семејство“, изјавил Федерер.
Роже Федерер со Мирка започнал да се гледа по Олимписките игри во Сиднеј во 2000 година, кога ги бранеле боите на Швајцарија, бидејќи и Мирка е поранешна тенисерка. Поради хроничната повреда на нејзиното стапало, Мирка одлучила да ја прекине професионалната кариера во 2002 година и од тој момент е постојано присутна на тениските терени, како менаџер на Федерер и човек за односите со јавноста, а приватно и како негова поубава половина. |
