Прилепчанец прегазен од воз
Прилепчанецот Сафет Ликманоски (40), жител на населбата Тризла, во средата вечерта околу 20 часот почина во Градската болница како последица на повредите со кои се здоби на Железничката станица.
Ликмановски само два и пол часа претходно се обидувал да се качи во возот што поаѓал од станицата за Битола. Сведоците раскажуваат дека тој задоцнил да се качи на возот, кој по дадениот знак се придвижил, а тој се лизнал и паднал на пругата.
„Левата нога комплетно му беше откината, а десната до коленото. Во состојба на хеморагичен шок пациентот веднаш беше транспортиран на одделенијата за ортопедија и за анестезија и реанимација при Градската болница каде што, и покрај вложените напори на лекарите, лицето почина“, изјави началникот на Службата за итна помош, Гоце Јонзоски. (М.Т.) |
