„Њујорк пост“ обвинет за расизам
Њујорк- Американскиот весник „Њујорк пост“ е обвинет за расизам поради објавената карикатура, на која администрацијата на претседателот Барак Обама се споредува со „луд мајмун“.
Карикатурата, која се појави во вчерашното издание на њурошкиот весник кој е во споственост на Руперт Мардок, поврзува два неодамнешни настана кои го привлекоа вниманието на Американците - пакетот економска помош на Обама и случајот кој се случи во државата Конектикат каде полицијата мораше да го убие разгневеното шимпанзо кое се прослави со појавата во една ТВ реклама.
На карикатурата еден од двајцата полицајци кои стојат во крвавиот вир од убиениот мајмун вели: „Ќе мораат да најдат некој друг да го напише следниот закон за економска помош“. (МИА) | 
