Г-8 земјите, Кина, Индија и Јужна Кореја загрижени за скапата нафта Аомори - Индустриски развиените држави од Г-8, како и Кина, Индија и Јужна Кореја во коминике од министерската средба во Јапонија, изразија неспокојство од растечките цени на нафтата. „Единаесетте држави споделуваат единствена загриженост од зголемувањето на цените на суровата нафта“, изјави јапонскиот министер за економија Акира Амари, кој извести за коминикето од средбата на министрите за енергетика во градот Аомори во Северна Јапонија. Цената на нафтата се зголеми речиси за петпати во однос на 2003 година и во петокот на Берзата во Њујорк барел нафта чинеше 138,54 долари. Аналитичари тврдат дека до јули цената е можно да се зголеми на 150 долари. (МИА)
|
