Асанж разочаран од Шведска

Стокхолм - Основачот на веб-страницата „Викиликс“, Џулијан Асанж, изјави дека се соочува со обвинување од Обвинителството на САД и оти е разочаран од начинот на кој е „злоупотребено шведското судство“. 

„Дојдов во Шведска како бегалец. Јас сум издавач што се занимава со објавување информации за тоа каде луѓето се без слобода, односно водам невообичаена борба со Пентагон, а постои обид да ме обвинат за шпионажа“, наведе Асанж во изјавата што синоќа беше емитувана на шведската телевизија. Тој се наоѓа во притвор во Велика Британија поради налог за апсење од Шведска за наводно сексуално злоупотребување на две жени, што беше демантирано од него.

„Јас сум несреќен и разочаран од начинот на кој е злоупотребен шведскиот судски систем“, изјави Асанж (39) во документарецот што е снимен пред неговото апсење во Велика Британија. (МИА)